စေတီဆင်းတုဤနှစ်ခု

ဆရာတော်အရှင်မြတ်ဘုရား၊စေတီတော်နှင့် ဗုဒ္ဓဆင်းတုတော်မှာ မည်သည်က ပို၍ အရေးကြီးပါသ နည်း။ မိတ်ဆွေတစ်ယောက်က စေတီမှာ ဗုဒ္ဓရဲ့ ဓာတ်တော်မွေတော် များ ကိန်းဝပ်ရာဖြစ်သောကြောင့် ပို၍ အရေးကြီးသည်ဟု ဆိုပါသည်။ တပည့်တော် အမြင်ကတော့ စေတီပဲဖြစ်ဖြစ် ဆင်းတုတော်ပဲဖြစ်ဖြစ် အားလုံးမှာ ဗုဒ္ဓသာသနာနှင့် ပတ်သက်သည့် ရိုသေစရာဖြစ်၍ အတူတူဟုပင် ထင်ပါသည်။ ဆရာတော်တို့၏ အဆုံးအဖြတ်ကို ခံယူပါရစေ အရှင်ဘုရား။

မောင်လမင်း

ဆင်းတုကိုးကွယ်မှု အစ

အိန္ဒိယမှာ ဗုဒ္ဓဆင်းတု ထုလုပ်ကိုးကွယ်တာဟာ အသောကခေတ်မှာ မရှိသေးဘူး၊ ဒါပေမဲ့ စုဆောင်းရရှိတဲ့ အထောက်အထားတွေ အားလုံး အရ ဘီစီ ၁-ရာစု ထက်တော့ နောက်မကျနိုင်ဘူးလို့ ပညာရှင် ကာရ်န် (Karn)က ဆိုတယ် (Maunal of Indian Buddhism, p. 95)။ ဒါပေမဲ့ ဒေဝါနံ ပိတိဿမင်းဟာ ထူပါရာမစေတီကို တည်စဉ်က အင်မတန် သပ္ပာယ်တဲ့ ကျောက်ဆင်းတုတော် (သိလာပဋိမာ)ကြီး တစ်ဆူ ထုလုပ်ခဲ့ကြောင်း မဟာဝံသကျမ်း (၃၅း၁၂၈)မှာ ဆိုတယ်။ အေဒီ သုံးရာစုကပြီး သီဟိုဠ်ဘုရင် အဆက်ဆက် ဒီဆင်းတုကို လှူဒါန်းမှု ပြုခဲ့ကြတယ်။ မဟာဝံသ အဆိုကို လက်ခံနိုင်ရင် ကာရ်န်ရဲ့ အဆိုကို ပြန်သုံးသပ်ရမလိုပါပဲ။
ဆင်းတုထဲမှာ ဓာတ်တော်မပါရင်

အေဒီ ၅ ရာစု ပါဠိဘာသာနဲ့ ရေးသားပြုစုတဲ့ အဋ္ဌကထာကျမ်းတွေမှာ ဗုဒ္ဓဆင်းတုတော်နဲ့ ပတ်သက်ပြီး နေရာ ဌာန နှစ်ခုမှာ ရည်ညွှန်းထားတာကို တွေ့ရတယ်။

၁) 'ပညာရှိပုဂ္ဂိုလ်ဟာ အစားအစာနဲ့ သောက်တော်ရေကို ဗုဒ္ဓဓာတ်တော်ပါရှိတဲ့ ဆင်းတုတော်ကို ဖြစ်စေ၊ စေတီ တော်ကို ဖြစ်စေ (သဓာတုကံ ပဋိမံ ဝါ စေတိယံ ဝါ)ကို ဦးစွာ လှူဒါန်းတယ်' (ဝိ-ဋ္ဌ ၃၊ ၄၂၄)။

၂) 'ဗောဓိ (ညောင်)ကိုင်း တစ်ခုဟာ ထူပကိုဖြစ်စေ ဓာတ်တော်ပါရှိတဲ့ ဆင်းတု တော်ကိုဖြစ်စေ နှောင့် ယှက်မှသာ (သဓာတုကံ ပန ထူပံ ဝါ ပဋိမံ ဝါ ဗာဓယမာနံ) အဲဒီ ဗောဓိကိုင်းကို ခုတ်ဖြတ်နိုင်တယ်' (အဘိ-ဋ္ဌ ၂၊ ၃၃၂။ အံ-ဋ္ဌ ၁၊ ၃၄၁)။

ဒီအဋ္ဌကထာတွေရဲ့ အာဘော်အရ ဗုဒ္ဓဓာတ်တော်တွေကို ဌာပနာ (ထည့်သွင်း)ထားမှသာ ဆင်းတု တော်ဟာ အရေးပါပြီး ဘာသာရေး တန်ဖိုးရှိကြောင်း သတ်မှတ်တယ်လို့ မဆိုနိုင်ဘူးလား။

စေတီ ဗောဓိပင် ဗုဒ္ဓဆင်းတု

ကမ္မဋ္ဌာန်းဘာဝနာ စီးဖြန်းမဲ့ ရဟန်းတော်ဟာ စေတီတော်နဲ့ ဗောဓိပင်ကို ပူဇော်ပြီးမှ ဆွမ်းခံဝင်ရတယ် (ဒီ-ဋ္ဌ ၁၊ ၁၅၇။ အဘိ-ဋ္ဌ ၂၊ ၃၃၄)။ ဗုဒ္ဓမရှိတော့တဲ့အချိန်မှာ စေတီကို ဖြိုဖျက်သူ၊ ဗောဓိကိုင်းကို ခုတ်ဖြတ် သူ၊ ဗုဒ္ဓဓာတ်တော်ကို ပွန်းပဲ့အောင်လုပ်သူဟာ အနန္တရိယကံကို ကျူးလွန်သူနဲ့ အလားတူတယ် (အဘိ-ဋ္ဌ ၂၊ ၄ဝ၈။ မ-ဋ္ဌ ၄၊ ၇၈)။ 'တစ်စုံတစ်ယောက်ဟာ စေတီကိုဖြစ်စေ ဗောဓိပင်ကိုဖြစ်စေ ဖူးမြော်ရင် ဗုဒ္ဓါ ရမ္မဏပီတိ (ဗုဒ္ဓကို ဖူးမြော်လို့ ဗုဒ္ဓဂုဏ်ကို အောက်မေ့လို့ ရရှိတဲ့ နှစ်သက်မှုပီတိ)ကို ရရှိတယ်' (အဘိ-ဋ္ဌ ၂၊ ၃၃၂)။

ဒီဖော်ပြချက်တွေမှာ ဗုဒ္ဓ ဆင်းတုတော် မပါတာကို သတိပြုမိနိုင်တယ်။ မျက်မှောက်ခေတ် အမြင်နဲ့ဆိုရင် ဗုဒ္ဓဆင်းတုတော်ကို ဖူးမြော်ရင် ဗုဒ္ဓါရမ္ဗဏပီတိကို ရတယ်လို့ မဆိုင်းမတွ ဆိုမှာပဲ။
စေတီနဲ့ သက်ရှိဘုရား

'ဗုဒ္ဓဝါဒီတစ်ယောက်ဟာ ဘုန်းကြီးကျောင်းတိုက်ထဲကို ဝင်ရောက်တဲ့အခါ ဗုဒ္ဓရှင်တော်မြတ်ရဲ့ ကိုယ်ခန္ဓာ အစိတ်အပိုင်းဖြစ်တဲ့ ဓာတ်တော်တွေ ကိန်းဝပ်နေလို့ စေတီတော်ကို ရှေးဦးစွာ သုံးကြိမ် လက်ျာရစ် လှည့်ပြီး ပူဇော်ရတယ်။ စေတီတော်က ကြီးရင် လေးနေရာမှာ၊ ငယ်ရင် ရှစ်နေရာမှာ ရှိခိုးဝတ်ပြုရတယ်။ အဲဒီနောက် ဗောဓိပင်ကို ရှိခိုးဝတ်ပြုရတယ်' (ဒီ-ဋ္ဌ ၁၊ ၁၅၇။ အဘိ-ဋ္ဌ ၂၊ ၃၃၄)။ ရဟန်းတော်ဟာ စေတီတော်ကို ပူဇော် ဝတ်ပြုဖို့ မသွားရင် ဗုဒ္ဓဘုရားရှင်ကို မဖူးမြော်တာနဲ့ အတူတူပဲ။ ဗုဒ္ဓဘုရားရှင်ကို ပြုရမဲ့ ရိုသေ ပူဇော်မှု အားလုံးကို စေတီတော်မှာလည်း ထပ်တူပြုရတယ်။ ရဟန်းဟာ စေတီတော် တစ်ဆူရဲ့ မြင်ကွင်းအတွင်းမှာ ပခုံးနှစ်ဖက်လုံးကို မဖုံးလွှမ်းရ၊ ဖိနပ် မစီးရ၊ ထီး မဆောင်းရ၊ ရေမချိုးရ' (ဒီ-ဋ္ဌ ၃၊ ၂၁၇။ အဘိ-ဋ္ဌ ၂၊ ၄၈၉)။ ရှိခိုး ပူဇော်မှုကို ကြောင်းကျိုး ဆီလျော်စွာ ဖော်ပြတဲ့ အခြားနေရာတွေမှာလဲ စေတီနှင့် ဗောဓိပင်ကိုသာ ပြဆိုပြီး ဆင်းတုတော်ကို ညွှန်းဆိုခြင်း မရှိဘူး (မ-ဋ္ဌ ၁၊ ၂၅၈။ အံ-ဋ္ဌ ၂၊ ၃၇၇။ ဝိ-ဋ္ဌ ၄၊ ၁၅၂)။

ဒါကြောင့် အေဒီငါးရာစုက ရေးသားတဲ့ ရှေးဦး အဋ္ဌကထာကျမ်းစာတွေအရ အဲဒီခေတ်အချိန် ဗုဒ္ဓဆင်းတု တော် တည်ရှိနေပြီဖြစ်ကြောင်း အတိအကျ ဆိုနိုင်ပေမဲ့ ဗုဒ္ဓဆင်းတုတော်ကို စေတီနဲ့ ဗောဓိပင်တို့လောက် ရှိခိုးပူဇော်စရာအနေနဲ့ အရေးတကြီး အလေးပေး မဖော်ပြဘူးလို့ သုံးသပ်နိုင်တယ်။

အကြောင်းကို ရှာရင်

ဗုဒ္ဓဆင်းတုတော် ကိုးကွယ်မှု အစီအမံကို အဋ္ဌကထာကျမ်းတွေမှာ ဘာကြောင့် လျှော့ပေါ့ထားရသလဲ အရေးမပေးခဲ့သလဲ ဆိုတာနဲ့ ပတ်သက်လို့ အကြောင်း နှစ်ရပ်ကို စဉ်းစားနိုင်တယ်။

၁) ရှေးဟောင်း သီဟိုဠ်ဘာသာအဋ္ဌကထာကျမ်းတွေ (ပါဠိဘာသာမပြန်ခင်က ရှိနေပြီးဖြစ်တဲ့ အဋ္ဌကထာ ကျမ်းတွေ)ကို ရေးသားချိန်က ဆင်းတုတော်တွေဟာ ရှိခိုးပူဇော်မှု စနစ်ဟောင်းကို ဆန်းသစ်တီထွင်မှု တစ် ရပ်ဖြစ်လို့ အရေးမပါသေးခြင်း။ ဆင်းတုတော်တွေရဲ့အထဲမှာ ဗုဒ္ဓဓာတ်တော်တွေကို ထည့်သွင်းထားမှသာ ပူဇော်စရာအနေနဲ့ ယူဆခြင်း။

၂) ဗုဒ္ဓဆင်းတုတော်ကို ကိုးကွယ်မှုဟာ အဲဒီအချိန်က မဟာယာနဝါဒီတွေမှာပဲ အထူးထင်ရှားတယ်။ မဟာ ယာနဝါဒကို အပြင်းအထန် ဆန့်ကျင်တဲ့ ထေရဝါဒ မဟာဝိဟာရ အစဉ်အလာတွေကို အထူးမြှင့်တင်လိုတဲ့ ထေရဝါဒီ ပါဠိဘာသာ အဋ္ဌကထာကျမ်းပြုဆရာ အရှင်မဟာဗုဒ္ဓဃောသဟာ မဟာယာနနဲ့ ပတ်သက်တဲ့ မည်သည့်အချက်ကိုမှ ရည်ညွှန်းလိုခြင်း ရှိပုံမရဘူး။ ဗုဒ္ဓဆင်းတုတော်ကို နှစ်ကြိမ်လောက် ရည်ညွှန်း ရာမှာတောင် ဆင်းတုတော်ရဲ့ အရေးပါမှုကို မပြဘဲ ဆင်းတုတော်ထဲက ဓာတ်တော်ကိုပဲ အသားပေး ဖော်ပြတယ်။
အဋ္ဌကထာနဲ့ ဗုဒ္ဓစွယ်တော်

အေဒီလေးရာစု ကိတ္တိသိရိ မေဃဝဏ္ဏမင်းလက်ထက်မှာ ဗုဒ္ဓစွယ်တော်ဓာတ်ကို သီဟိုဠ်သို့ ပင့်ဆောင်ခဲ့ပါတယ်။ သီဟိုဠ်မှာ အရေးပါတဲ့ ဓာတ်တော်ဖြစ်ပေမဲ့ အေဒီ ၅ ရာစု ပါဠိအဋ္ဌကထာကျမ်းများမှာ ဒီ စွယ်တော်ဓာတ်အကြောင်းကို တစ်စွန်းတစ်စမျှ မဖော်ပြဘူး။ အရှင်ဗုဒ္ဓဃောသနဲ့ ခေတ်ပြိုင်ဖြစ်တဲ့ တရုတ်ရဟန်းတော် ဖာဟီယန်ဟာ ဗုဒ္ဓစွယ်တော်လှည့်ပွဲအပြီး စွယ်တော်ဓာတ်ကို အဘယဂိရိကျောင်းတိုက် သို့ ပင့်ဆောင်ပုံ မျက်မြင်ကို အသေးစိတ် ဖော်ပြတယ် (A Rcord of Buddhist Kingdoms, Trans., Fa Hien, p. 102-103.)။

အင်မတန် အရေးပါတဲ့ စွယ်တော်ဓာတ်ကို ပါဠိအဋ္ဌကထာကျမ်းတွေမှာ မဖော်ပြတာအတွက် တစ်ခုတည်း သော အဖြေက အဲဒီ စွယ်တော်ဓာတ်ကို မဟာယာနဝါဒရဲ့ အထောက်အပံ့နဲ့ သီဟိုဠ်သို့ ပင့်ယူခဲ့တာရယ်၊ အဲဒီ စွယ်တော်ဓာတ်ဟာ အဘယဂိရိကျောင်းတိုက်ပိုင်အနေနဲ့ ထင်ရှားနေတာရယ်တွေကြောင့် ဖြစ်နိုင်ပါတယ်။

ဗုဒ္ဓဆင်းတုတော်တွေကို ဘာသာရေးတန်ဖိုး လျှော့ရာမှာလဲ ဒီသဘောမျိုး မဖြစ်နိုင်ဘူးလား။
ပိုအရေးကြီးသည်

ဗုဒ္ဓဆင်းတုတော်နဲ့ ပတ်သက်လို့ စာပေသဘောထားက အဲဒီလို ဖြစ်ပါတယ်။ ဒီစာပေအရပဲ ဗုဒ္ဓဆင်းတုတော်မှာရော စေတီမှာပါ ဗုဒ္ဓဓာတ်တော်ကို ဌာပနာပြုထားမှ ဘာသာရေးတန်ဖိုး ရှိတယ်လို့ ယေဘုယျသဘော ဆိုနိုင်မယ်။ စေတီနဲ့ ဆင်းတုမှာ ဘာက ပိုအရေးကြီးသလဲဆိုရင် ဓာတ်တော် ကိန်းဝပ်မှု မကိန်းဝပ်မှုနဲ့ပဲ ဆိုင်တယ်လို့ ဆိုနိုင်တယ်။

ဒါပေမဲ့ စေတီဆိုတာ လူတွေ အရိုအသေပြုရမဲ့ နေရာဖြစ်ပါတယ် (စယိတဗ္ဗံ ပူဇေတဗ္ဗန္တိ စေတိယံ၊ ခုဒ္ဒက ပါဌ-ဋ္ဌ၊ ၁၈၈)။ ဗုဒ္ဓဓာတ်တော် ကိန်းဝပ်တဲ့ ထူပကို ဓာတုကစေတီ၊ ဗောဓိပင်ကို ပရိဘောဂစေတီ၊ ဗုဒ္ဓ ဆင်းတုတော်ကို ဥဒ္ဒိဿကစေတီလို့ ခေါ်ပါတယ် (ဗုဒ္ဓပဋိမာ ဥဒ္ဒိဿက စေတိယံ၊ ခုဒ္ဒကပါဌ-ဋ္ဌ၊ ၁၈၈)။ ဒီစာအရဆိုရင် ဗုဒ္ဓဆင်းတုတော်ဟာ စေတီထိုက် (အရိုအသေပြုထိုက်)တဲ့ အရာဖြစ်ပါတယ်။

ဒါကြောင့် စေတီ ဆင်းတုရယ်လို့ မခွဲခြားဘဲ ရိုသေပူဇော်စရာဖြစ်တဲ့ သက်တော်ထင်ရှား ဗုဒ္ဓအနေနဲ့ စိတ် ထားတူစွာ အာရုံပြုနိုင်ရင် သမေ စိတ္တေ သမံ ဖလံ (စိတ်ထားတူနေ ကျိုးနေမျှ၏)အရ အကျိုးတူနိုင် ကြောင်းပါ။ ဗုဒ္ဓဓာတ်တော် ကိန်းဝပ်နိုင်ရင်တော့ အကောင်းဆုံးပေါ့။